ઈન્ડિયા પોસ્ટે ગ્રામીણ ડાક સેવક (GDS) ભરતી 2026 માટે સત્તાવાર નોટિફિકેશન જાહેર કર્યું છે. આ ભરતી દ્વારા દેશભરમાં 25,000થી વધુ જગ્યાઓ ભરવામાં આવશે. ગુજરાત રાજ્ય માટે 499 જગ્યાઓ ફાળવવામાં આવી છે. જે ઉમેદવારો સરકારી નોકરી મેળવવા ઈચ્છે છે, તેમના માટે આ એક સારી તક છે.
ગ્રામીણ ડાક સેવકનો મુખ્ય ઉદ્દેશ્ય ગ્રામીણ વિસ્તારોમાં ડાક સેવાઓ, મની ઓર્ડર, બચત યોજનાઓ જેવી સેવાઓ લોકો સુધી પહોંચાડવાનો છે. આ ભરતી માટે 10મું ધોરણ પાસ ઉમેદવારો અરજી કરી શકે છે. ઉમેદવારએ 10મી પરીક્ષામાં ગણિત, અંગ્રેજી અને સ્થાનિક ભાષાનો અભ્યાસ કરેલો હોવો જરૂરી છે.
અરજી પ્રક્રિયાની શરૂઆત 31 ઓગસ્ટ 2026થી થશે. આ દિવસે વન ટાઈમ રજિસ્ટ્રેશન (OTR) શરૂ થશે. OTR 19 સપ્ટેમ્બર 2026 સુધી કરી શકાશે. ત્યારબાદ 2 સપ્ટેમ્બર 2026થી ઓનલાઈન અરજી પ્રક્રિયા શરૂ થશે. ઉમેદવારો 21 સપ્ટેમ્બર 2026 સુધી અરજી કરી શકશે. અરજીમાં સુધારો કરવા માટે 23 અને 24 સપ્ટેમ્બર 2026 દરમિયાન કરેકશન વિન્ડો ખુલ્લી રહેશે.
ગુજરાત સર્કલ હેઠળ કુલ 499 જગ્યાઓ ઉપલબ્ધ છે. આ જગ્યાઓ રાજ્યની વિવિધ ડિવિઝનમાં વહેંચાયેલી છે. જેમ કે અમદાવાદ, સુરત, વડોદરા, રાજકોટ, ભાવનગર વગેરે વિભાગોમાં આ પદોની ફાળવણી થશે. ઉમેદવારો પોતાના વિસ્તારની ખાલી જગ્યાઓ અને વિભાગોની વિગતો સત્તાવાર નોટિફિકેશનમાં જોઈ શકશે.
અરજી કરવા માટે ઉમેદવારોએ ઈન્ડિયા પોસ્ટની સત્તાવાર વેબસાઈટ www.indiapost.gov.in પર જવું પડશે. ત્યાં GDS ભરતી 2026 માટેની લિંક ઉપલબ્ધ થશે. રજિસ્ટ્રેશન બાદ ઉમેદવારો લોગિન કરીને અરજી ફોર્મ ભરી શકશે. ખાતરી કરવા માટે અરજી ફી ભર્યા બાદ ફોર્મ સબમિટ કરવું અને કન્ફર્મેશન પેજ ડાઉનલોડ કરીને તેની નકલ સાચવી રાખવી જોઈએ.
લાયકાતની વાત કરીએ તો ઉમેદવારએ 10મું ધોરણ પાસ કરેલું હોવું જોઈએ. સાથે ગણિત અને અંગ્રેજી વિષય ફરજિયાત છે. સ્થાનિક ભાષા તરીકે ગુજરાતી ફરજિયાત છે. ઉમેદવારની ઉંમર 18થી 40 વર્ષની વચ્ચે હોવી જોઈએ. નિયમ મુજબ અનામત વર્ગના ઉમેદવારોને ઉંમરમાં છૂટ આપવામાં આવશે. આ ભરતીમાં કોઈ લેખિત પરીક્ષા નથી. પસંદગી 10મા ધોરણના ગુણના આધારે મેરિટ યાદી દ્વારા કરવામાં આવશે.
મેરિટ યાદીમાં સ્થાન મેળવનાર ઉમેદવારોના દસ્તાવેજોની ચકાસણી કરવામાં આવશે. આ દરમિયાન શૈક્ષણિક પ્રમાણપત્રો, ઉંમર, અનામત પ્રમાણપત્ર વગેરે ચકાસવામાં આવશે. જો કોઈ ઉમેદવાર ખોટી માહિતી આપે તો તેની અરજી રદ થઈ શકે છે. તેથી ઉમેદવારોએ સાચી માહિતી સાથે જ અરજી કરવી જોઈએ.
આ ભરતી માટે અરજી કરતી વખતે ઉમેદવારોએ સત્તાવાર નોટિફિકેશન ધ્યાનથી વાંચવું જરૂરી છે. કારણ કે ત્યાં તમામ શરતો, ફી, પદોની સંખ્યા અને પ્રક્રિયાની વિગત આપવામાં આવી છે. ઈન્ડિયા પોસ્ટની સત્તાવાર વેબસાઈટ ઉપરાંત અન્ય કોઈ સ્ત્રોત પરથી માહિતી લેવાનું ટાળવું જોઈએ.
ઉમેદવારોએ સમયસર અરજી કરવી જોઈએ અને છેલ્લી તારીખે વેબસાઈટ પર લોડની સમસ્યાનો સામનો ન કરવો પડે તે માટે વહેલા અરજી કરી દેવી શ્રેષ્ઠ છે. આ ભરતી એ ગ્રામીણ ક્ષેત્રમાં રોજગારીની તક ઊભી કરે છે, જેનો લાભ યોગ્ય લાયકાત ધરાવતા ઉમેદવારો લઈ શકે છે.