રાષ્ટ્રીય રાજધાની દિલ્હીના સરાફા બજારમાં આજે સોનાના ભાવમાં મોટો ઉછાળો જોવા મળ્યો હતો. સોનું ₹1,983 વધીને ₹1.63 લાખ પ્રતિ 10 ગ્રામ પર પહોંચ્યું હતું. આ મહિને સોનું અત્યાર સુધીમાં ₹20 હજાર જેટલું મોંઘું થયું છે.
બીજી તરફ ચાંદીના ભાવમાં આજે ઘટાડો નોંધાયો હતો. ચાંદી ₹297 ઘટીને ₹2.46 લાખ પ્રતિ કિલોગ્રામ પર આવી ગઈ હતી. બજાર નિષ્ણાતોના જણાવ્યા અનુસાર, આંતરરાષ્ટ્રીય બજારમાં સોનાના ભાવમાં આવેલી તેજી તેમજ ડૉલરની સામે રૂપિયાની કિંમતમાં આવેલી નરમાઈને કારણે સ્થાનિક બજારમાં સોનું મોંઘું થયું છે.
ઉલ્લેખનીય છે કે, ભારતમાં સોના-ચાંદીની કિંમત આંતરરાષ્ટ્રીય બજાર, વિદેશી વિનિમય દર અને સ્થાનિક માંગ-પુરવઠા સહિતના પરિબળોથી પ્રભાવિત થાય છે. આ ઉપરાંત લગ્નસરાની મોસમ અને તહેવારોના સમયે દાગીનાની માંગ વધતા ભાવ પણ વધે છે.
સરાફા બજારના જાણકારો અનુસાર, વૈશ્વિક સ્તરે આર્થિક અનિશ્ચિતતા વચ્ચે રોકાણકારો સલામત રોકાણ તરીકે સોનાને પસંદ કરી રહ્યા છે, જેના કારણે આંતરરાષ્ટ્રીય બજારમાં સોનાની કિંમત ઊંચી રહે છે. આગામી દિવસોમાં ભાવમાં વધઘટ ચાલુ રહેવાની સંભાવના છે.